الساعة الآن 09:32 PM


قطرات من نبع الرواد
العودة   منتديات رفاعة اونلاين > منتديات رفاعة أونلاين > رفاعة > الأرشيف > ©§¤°^°¤§©¤ المنتديات المتخصصة والمتنوعة ¤©§¤°^°¤§© > منتدى الأغاني
منتدى الأغاني لجميع الأغاني السودانية والعربية والعالمية

أغنيـــة وقصـــة

منتدى الأغاني

إضافة رد
 
أدوات الموضوع انواع عرض الموضوع
قديم 25-06-2009, 08:59 PM   #71
غريبه

افتراضي رد: أغنيـــــة وقصــــــة

الرسائل
كلمات الصادق الياس

من طرف الحبيب جات أغرب رسائل
يحكي عتابه فيها وقال ناسينه قائل

ياما قال حكاوي ما خطرت ببالي
قال في كل كلمة إني جفيته سالي
لو في كل لحظة لو تعلم بحالي
ما ناسيك والله ذكراك شاغله بالي

لو أنساك إنت اكون غدّار وخنته
أسأل عني غيري واحكم في مصيري
ياما تشوف دلائل

ياما قال كلام مالي دخل بيه
إني بروح لغيره
بهوى وأصطفيه
إن شاء الله حياتي تفنى دا لو فكرت فيه
لا لا وألف لا لا دا حبك عشت بيه

بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل

اها يا ود الحاج
أغنيه الجابرى
ومن غير قصه
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : غريبه



غريبه غير متصل  
رفاعة اونلاين في قلوبنا
توقيع : غريبه
[SIGPIC][/SIGPIC]
قديم 25-06-2009, 10:13 PM   #72
محمد عمر بشير
اللهم أرحم بنت البطانه
الصورة الرمزية محمد عمر بشير
افتراضي رد: أغنيـــــة وقصــــــة


الأوصفوك

طبعا بداية القصة بدأت بغنية حاول يخفي نفسة وطبعا هى كتبها سيد عبد العزيز بعد ان سألو عبيد عبد الرحمن وقال ليه حاول يخفى نفسه هل يخفى القمر فى سماه قام طوالى سيد قال ليه ابدا لا وطبعا لا شفناه شفناه
حاول يخفى نفسه وغير اتجاهو
سطع النور فى افقه كل انسان رأآهو
خلنا البدر اشرق كامل فى ضياهو
وخلنا الزهر فتح من انفاس شذاهو
جذاب حسنو رائع لادن خلقه مائع
رقص البان مشيهو تحب تنظر وشيهو
عيونك تختشيهو من قوة ضياهو ومن شدة حياهو
مره اذا نظرتو وطرفو اليك رناهو
قلبك ينشرحلو وترتاح لى لقاهو
دون تشعر تحبو وتلهج بى ثناهو
مره نقول كبدرى ومره تقول كزهرى
ومره نسمى شعرى ومره تسمى سحرى
وتغلب فيهو اسماء برضو تشوفو اسمى
كل وصف تراهو اقل من مستواه الخ......

قام الشاعر عتيق لما سمع بالقصيدة عمل قصيدة الاوصفوك
بالبدر او بالزهر هم ما انصفوك يازول الاوصفوك
كوكب منزه فى علوك يبرق سناك فى غيهب الليل الحلوك
واغرب شمائل زاملوك وهم اكملوك
ادبك هبه وفيك موهبه حسن الظباء وطبع الملوك
***
ولم تنتهى الحدوته .سمع ود الرضى بذلك قال:
اخالك مسرح والفكر غائب
فاذا نسبوك للزهر هاهى غلطة الناسب
اطوف متلمس الزهر ارى نادى الزهور شاحب
واذا قاسوك بالبدر فما بدرا فتن صاحب
لانت من البدور ازهى ولانت من الزهور راطب

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : محمد عمر بشير



محمد عمر بشير غير متصل  
رفاعة اونلاين في قلوبنا

إنا لله وإن إليه راجعون...
اللهم إنها الأن بين يديك ..فاغفر لها ذنوبها وإسرافها في أمورها ..وارضى عنها ياارب...

اللهم إني أسألك أن لاتجعل لها ذنباً إلا غفرته ...

ونقها من ذنوبها وخطاياها كما ينقى الثوب الأسود من الدنس...

اللهم أوسع لها قبرها واجعل لها فيه نوراً ..واجعله روضة من رياض الجنة..

اللهم أبدلها داراً خير من هذه الدار..وصحبة خير من هذه الصحبة ..يارحمن يارحيم

يا قادر على كل شيء ..
الفاتحه علي روح الفقيده الغاليه قمر علي الجاك{بت البطانه}
قديم 25-06-2009, 10:19 PM   #73
محمد عمر بشير
اللهم أرحم بنت البطانه
الصورة الرمزية محمد عمر بشير
افتراضي رد: أغنيـة وقصـة

شوفوا الكلام ده كمان ...................


ويا ود الحاج تعال قابلني في أستراحة حماده ومعاك الطيب الطيب وجمال عثمان نصر


وشوفوا ......................


------------------------------------------

سر الاغنية التى كانت عند وردى لسنوات فغناها مصطفى سيد احمد فكانت من اجمل ما غنى ؟؟

فى نهاية السبعينات وبينما كان مصطفى عليه رحمة الله يقلب فى اوراق الشاعر صلاح حاج سعيد اذ به يجد نصا مليئاً بالشجون يتكون من ثلاثين مقطعاً فاعجب به ايما اعجاب الا ان صلاح اخبره ان هذا النص تحديداً موجود لدى الفنان محمد وردى لاكثر خمس سنوات فلم يهتم مصطفى بعد ذلك بها.




الشاعر المرهف صلاح حاج سعيد
.......................
وبعد سنوات وتحديدا فى العام 1983 سال مصطفى صلاح عن ذلك النص القديم وهل لحنه وردى ام لا فاجاب صلاح بالنفى .
عندها طلب مصطفى من صديقه ان يسال وردى عن النص ويستاذنه فى انه يريده لنفسه , ليس تقليلاً من مقدرات وردى اللحنية كملحن بارع ولكن يمكن ان لا يكون النص قد وجد هوى لدى محمد وردى خاصة وانه كان طويلاً جدا . وبالفعل اصبح النص لدى مصطفى بابـيـاته الثلاثين ومقاطعه السته وبعدها شرع مصطفى فى تلحينه
وبعد ان اكتمل العمل اسمعه لصلاح الذى تفاجأ بالاغنية لان مصطفى قلص الثلاثين بيتاً الى نص جديد واغنية فى حدود 15 بيتاً دون ان يختل بذلك النص او المعنى الاصلى
, فأخذ عليه رحمة الله بيتين من المقطع الاول وثلاثة من الثانى ومثلهما من الثالث وبيتين من المقطعين الرابع والخامس وثلاثة ابيات من المقطع السادس ليكون المجموع 15, بيتاً ..فدهش صلاح لان النص الجديد كان مترابطاً جدا كانما كتب ككتلة واحدة ولم يؤثر عله الحذف واللصق والقطع
وهذا انما يدل على مقدرات مصطفى كشاعر مدرك لكينونة النص . اضافة لذلك فقد كان اللحن غاية فى الروعة والجمال مليئاً بالتعابير الرائعة

هذه هى قصة او سر الاغنية التى كانت عند وردى لسنوات فغناها مصطفى فكانت اجمل ما غنى

هل عرفتم ماهى انها بالطبع كـ.....

كان نفسى قولك من زمان
بالكاتمو فى سرى ومكتم
فى حشاى مدسوس سنين
كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاب
وقتين مدامعى تكون جزا
وتفتح مباهج الليل ظنون
*****************************
كان نفسى قولك من زمان
سطوة محاسنك عندى ما كسرة جفون
وكت العيون تعبرنى زى خاطر المسا
سطوة محاسنك ما الرخام الفى الحرير
وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم
لى طيبتى بى لفظة حنان
وكتين مشاعرك تنسجم فى عمرى
تنفح قلبى بى رعشة امان
سطوة محاسنك عندى وكتين شوقى يصبح فى هواك
.. ليل عزة ما بتعرف هوان
***************************
كان نفسى قولك من زمان
عينيك وحاتك غربتى وأهلى
وبلادى الفيها ضائع لى زمن..
عينيك وحاتك شوقى لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الِـف
أحكيك وأزيد القول ولف
وأتمنى لو قلبك عرف كان من زمان
من قبل مافى قلبى يتحكر
زمان الفرقة فى جرح لأسى
من قبل ما حرف الحقيقة الحلوة يتبدل عسى
ويصبح امانى كتيرة فى خاطر الحنان
كان نفسى اقولك من زمان

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : محمد عمر بشير



محمد عمر بشير غير متصل  
رفاعة اونلاين في قلوبنا
قديم 28-06-2009, 01:30 PM   #74
ودالحاج

منتدى الأدب والخواطر
فيجــــــــــــــــــــو
الصورة الرمزية ودالحاج
افتراضي رد: أغنيـــة وقصـــة

إختيار جميل الأخت غريبة ....

ياما قال كلام مالي دخل بيه
إني بروح لغيره
بهوى وأصطفيه
إن شاء الله حياتي تفنى دا لو فكرت فيه
لا لا وألف لا لا دا حبك عشت بيه



معقــولة مافي قصة .... أنا عاوز قصة البوست اسمو اغنية وقصة ....

بطلوا الزواغانات ...

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : ودالحاج



ودالحاج غير متصل  
رفاعة اونلاين في قلوبنا
توقيع : ودالحاج
قديم 28-06-2009, 01:35 PM   #75
ودالحاج

منتدى الأدب والخواطر
فيجــــــــــــــــــــو
الصورة الرمزية ودالحاج
افتراضي رد: أغنيـــــة وقصــــــة

القصيـــر ود عمر بشير ...

كان نفسى قولك من زمان
عينيك وحاتك غربتى وأهلى
وبلادى الفيها ضائع لى زمن..
عينيك وحاتك شوقى لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الِـف



كان نفسك تقول من زمان ... لك التحية زغت من القصة لأنك حكيت قصة ...
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : ودالحاج



ودالحاج غير متصل  
رفاعة اونلاين في قلوبنا
قديم 29-06-2009, 01:00 PM   #76
افتراضي رد: أغنيـــة وقصـــة

الراحل المقيم..خوجلى عثمان

حبة.. حبة زيد غرورك ومرة زيد الريده حبة

وامشى درب الحب معانا ابقى زينا زول محبة

نحنا ريدك من ربينا تاتا فينا وفينا شب

*** ***
ما زمان وصوك علينا قالو ليك خليك حنين

نحنا ما حبانك انت واصلو حق الريييده بين

فى سبيل ضحكة عيونك يبقى ظلم الدنيا هين

*** ***
نحن اصلنا ناس محبة زول نعزو وزوول نريدو

والبفوت ريدتنا يمشى برضو نفرح بى جديدو

فى سبيل ضحكة عيونك يبقى ظلم الدنيا هين

*** ***

نحن ما دايرين نعاتبك انت مننا وانت لينا

وانت لو غلطان معانا حقك انت يكون علينا

نحنا ناسك يا محبة ليك عمرنا الباقى فينا

ود الحاج................... انا مستعجلة... مع السلامة
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : نجلاءmaa



نجلاءmaa غير متصل  
رفاعة اونلاين في قلوبنا
قديم 29-06-2009, 01:34 PM   #77
ودالحاج

منتدى الأدب والخواطر
فيجــــــــــــــــــــو
الصورة الرمزية ودالحاج
افتراضي رد: أغنيـــــة وقصــــــة

*** ***
ما زمان وصوك علينا قالو ليك خليك حنين
نحنا ما حبانك انت واصلو حق الريييده بين
فى سبيل ضحكة عيونك يبقى ظلم الدنيا هين
*** ***

ود الحاج................... انا مستعجلة... مع السلامة


حبة حبة .... وشايفك فوق .... قااعدة تزوغي ليه ...

وين القصة ... لك التحية الأخت نجلاء خوجلي عثمان فنان رائع خصوصا عندما يردد مابنختلف ...
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : ودالحاج



ودالحاج غير متصل  
رفاعة اونلاين في قلوبنا
قديم 30-06-2009, 04:29 PM   #78
ربيعة

افتراضي رد: أغنيـة وقصـة

وأذكر من حديث احد اصدقائى أنه وعند تشييع جثمان الكاشف قام أحد الحضور بغنائها ولم يستطيع احد من منعه[/color] رغم هذا الابتداع لما وجدوه من مصيبه فى فراق الكاشف فقد كان يتغنى بها أيام حياته وها هم احبابه يودعونه



من تغنى بها عند تشييع جثمان الراحل المقيم الكاشف


هو المرحوم صديق الكحلاوى
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : ربيعة



ربيعة غير متصل  
رفاعة اونلاين في قلوبنا
توقيع : ربيعة
[rainbow]

الكاتمة فى جواى كتير متملك الروح والعصب
ما كنت دايرة اقولو ليك لكن لسان الحال غلب
[/rainbow]
قديم 01-07-2009, 02:40 PM   #79
ودالسني

أشتقت ليك
الصورة الرمزية ودالسني
افتراضي رد: أغنيـــة وقصـــة

رسلت ليك أجمل خطاب لليلة ردك ما وصل
زعلانة ولا شنو الحصل
شهرين مضت تالت الشهور روٌح خلاص عددو اكتمل
أنا في رجاك ما جاني رد رابع الشهور ما محتمل
أنا عندي شك ساعي البريد شما العبير عجبو الكلام نايم عمل
شاف الحروف مليانة ريد خلاني احمل ليك زعل
زعلانة ولا شنو الحصل
أجمل هدية من البلد قولة سلام من الأهل
تنزل تهب مثل الدعاش زي كان جفاف والغيث نزل
شرحت ليك حال الغريب كيفن بعاني من الهمل
وضحتا ليك كيفن هجير الوحدة قاسي
وكم بحن لي نسمة من دار الأهل
زعلانة ولا شنو الحصل


الاغنية دي قصته يا ود الحاج زمن الجوابات
قبل الموبايل والايميل ..غايتو التقنية اختصرت حاجات كتيرة
بس الرسائل الورقية ليها طعم
يعنى زى الفرق بين الزهرة الصناعية والطبيعية
الرسالة الورقية كلما تحس بلوعة تطلعها وتقراها مرة ومرتين
والتقنية مهما كانت حلاوة كلماتها مع الزحمة نادرا ما ترجع ليها
ومرات الرسالة التقنية بتكون منقولة او رسلها ليك زول تانى وتحولها تانى
يعنى ما بتكون صادقة زى الرسالة الورقية ..
يا حليل زمان وسنين زمان ..
ياخ الواحد لما يكون منتظر رسالة من إنسان عزيز
الدنيا دي كلها بتبقى قدامو بمبي ..
ويحس بحاجات عجيبة
هي خليط
من القلق والحزن والتوتر والفرح والرجاء والأمل
وحاجات كتيييرة لذيذة ..

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : ودالسني



ودالسني غير متصل  
رفاعة اونلاين في قلوبنا
توقيع : ودالسني
قديم 01-07-2009, 02:43 PM   #80
ودالسني

أشتقت ليك
الصورة الرمزية ودالسني
افتراضي رد: أغنيـــــة وقصــــــة

المهم عندنا صاحبنا الله يطراهو بالخير كان عندو علاقة
مع واحدة في القرية بتاعتم .. وكان الوسيط بينهم واحد
قريبو اسمو (الرشيد) سكان معاهم في البيت لظروف الدراسة
وبرجع القرية كل خميس وجمعة ..
وصاحبنا طبعا من بداية الاسبوع بكون جهز كمية من الجوابات..
الداير يرسله للبنية ..وينتظر السبت بفارغ الصبر ..عشان يشوف
الرد شنو ..اها اموره كانت ماشة تمام التمام ..
فجاءة رسايلة اتقطعت وصابحنا كل ما يرسل
الرشيد يجي السبت بدون رد ..
ويقول ليهو اتهربت مني ..
وما لاقيته ..و .. و..
بعد فترة عرفنا انو الرشيد البنية عجبتو
ودخل شمال وباع صاحبنا ..
قمنا نحن حرفنا الاغنية ..
أنا عندي شك( انو الرشيد )شما العبير عجبو الكلام نايم عمل
شاف الحروف مليانة ريد خلاني احمل ليك زعل
ولليوم لما نلاقيهو بنغيها ليهو ..

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : ودالسني



ودالسني غير متصل  
رفاعة اونلاين في قلوبنا
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



Powered by vBulletin® Version
Copyright ©2000 - 2014, Jelsoft Enterprises Ltd
::×:: جميع الحقوق محفوظة لمنتديات رفاعة أونلاين ::×::
الشهادة السودانية 2011
تصميم: صبري طه