الساعة الآن 12:36 AM


قطرات من نبع الرواد
العودة   منتديات رفاعة اونلاين > منتديات رفاعة أونلاين > رفاعة > الأرشيف > ©§¤°^°¤§©¤ المنتديات المتخصصة والمتنوعة ¤©§¤°^°¤§© > منتدى الأدب والخواطر
منتدى الأدب والخواطر لكافة ألوان الأدب وللخواطر

بشرى البطانه فى عيد ميلاد حنكوشه

منتدى الأدب والخواطر

 
 
أدوات الموضوع انواع عرض الموضوع
قديم 16-05-2009, 06:48 PM   #1
افتراضي بشرى البطانه فى عيد ميلاد حنكوشه

هذه ايضا من ابداعات الزميل بشرى ابراهيم
عندما دعته زميلته الى عيد ميلادها


وانا من زمنا خدو مشلخ

وهى من ازمانا خدها ساده

اتعجبت سماحا مواتر

طبقات عالية وكلها ساده

وكانت بينا فوارق شاسعة

اتعارفنا

وكانت جاده

وقالت عيد ميلادى الشهر الجاى

ولازم تحضروا

قتلها خير

قتلها خيييييييييييييييييييييييييييير

ودخل فى اضافرى

تقصدى ايه بى عيد ميلاده؟

ايا ربى اتولدت يا دابا؟

يبقى الاعياد سوها زيادة؟

امكن ولدت وانا ما عارف؟

يمكن ميلاد عيسى واجدادها

يا ربى بدقوا الدلوكة؟؟؟؟؟؟؟؟؟

وبعزموا الحلال كالعاده

بس قتلها خير وانا جاييكم

وعديلة وزين

والشهر الجاى

مرق مركوبى من السحارة

داقاهو المطرة قبل شهرين

ونكت طاقيتى من العضاضة

سليتلى ثماد رقعتها زين

سديريتى ابوى مسويها لبد

فرتقت اللبده مرقتها طين

عراقى مغزوز فى الكوكار

كان سوهو وقاية وكت فازعين

سروال مدفون فى رهل العيش

ملفوف محشور بين شوالين

لميتن واديتن شطفة

شريتن فووووق فى زريبت الزين

والزين بقراتو مكوفرات تب

مدغن طاقيتى هرنها زييييييييييييييييييييييييييييين

شافتن السرة بت الهراف

طردتن وجابتن لتاف

وغضبت غضب

وعزمت اقوم

جفن ما جفن

اقوم فى الحين

مرقت ووشى مطوطو تب

وصتنى الحلة رجال وعوين

وصتنى ام نوفل لى كركار

كان تلقى ودك جيب لى رطلين

وقروشى حلف صرة وبى خيت

وصتنى حليمة بت العجبين

سروال لى محمد ورطلين بن

بنبيعلنا شي ونديك بعدين

وصانى الهابر لى مركوب

مخلوفة وسرج وكرباجين

عنقريب وموسر بى حبال قد

تيبار ومسلة وابريق طين

والناس بتوصى وغبيانة

والناس غبيانة وبتوصى

وانا ظرفى مكدر زى الطين

وبتوصى وزى بايعلى بعير

وانا بايع تيسى وعيش كيلتين

والتيس اعور ما جابلو سعر

والعيش بتاب ومسوس وشييييييييييييييييين

تتسود ختوة هالسفرة

انا ماشى لواجب اقوم بالدين؟؟؟؟

وركبت الباص مخلاتي دفس
كدوسي وحقتي وعود سكين
وانا راكب في الباص بتأمل
ياربي بجيبو الحكامات
بتسو دلوكة بيجوا الحلال
ضابحين تيران ام خرفان صر
مدققين كمين شوالات عيش
وانا مالي ومال عيد ميلادن
ان نقروا الدلوكة اولادن
انا بنزل حربي ومتعكز
وادارق اصقر في الدارات
وانا معروووووووووف خراب حفلا ت
وامسك صوتي المدهون قطران واركز واندق
شان السمحات ما يقولن ضيفنا قريزن ساكت
ووصل وسعل لامن جيتن
وهداك البيت يرقش لوحات
وصل ولقيت البيت مزرود لاحدو بنات سمحات

شايلات هديات
وحدات وردات
وحدات زهرات
شايلات رسمات في شكل ارنوب
واسودونمور سبحان الله زي الميتات
يضاحكو قر حايشين صينية تبق شمعات
ماف زول قالي انت منو مابعرفو الضيف زي الخواجات
لتيت عكازي وقفت طرف
ملص نعلاتي اتفرجختا
لي تفه خلالي مضنقلو تب سكيني ملسنه بالجمبات
تبماكي وحُقتي مزرودا ولعتا كدوسي واخد جبدات
وان بتأمل هذا العالم ياتو البنوت وياتو الجنيات
وبحرت عيني لامن برقن
كل البنوت زيها سمحات
والبقر اشابه لي ضمة
ما عرفت الراحن والفايتات
لي حسن الحظ هي النقرتني
ما شالت شك من شافتني
ساقتني وقامت بالواجب هي اصيلة وراسية وست حوبات
نادت صاحباتا بنتعارف
نانسي وناندى وشيماء ولمياء ْ وحوراء وكفا
من وين! من لندن جينا امس راجعين باكر زي ها الحظات
من الطايف والمنشية ومدينة النيل وبنوت راقيات
طيبات طيبة وكل كليمة معاها ضحيكة
ونضااف ورهااف زي اللعبات
واحدتاٌ فيهن سمحة سماح لكن مي طاعمة
وانا زول مستغرب في حاجات
ان زول اسراني سماحتاً كاسيا
بنت البلد الهاديه وراسية وضميرا الحي التب مامات
وقالت لي
عرف نفسك بي عبارات
عرف نفسك بي عبارات
قتليها : انا الاسد الحرس غابتو الضريا
وانا الساعة الكتال بختف حديا
وانا الدايرني مابجيب لي هديا
وسارح مدرج ام هبج التخيه
مراتع اللبل الضان السعيه
وادرج عاصفة اللقدة السخيه
وادرج عاصفة اللقدة السخيه


غير مسجل يمكنك التعليق على هذا الموضوع باستخدام حسابك على الفيسبوك

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : محمد الطيب عمر



محمد الطيب عمر غير متصل  
رفاعة اونلاين في قلوبنا
قديم 16-05-2009, 08:41 PM   #2
صبري طه
& واحد من الناس &

الصورة الرمزية صبري طه
افتراضي رد: بشرى البطانه فى عيد ميلاد حنكوشه

كلمات جميلة وعالية المقام يا غالي ...


دمت بود ،،،
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : صبري طه



صبري طه غير متصل  
رفاعة اونلاين في قلوبنا
توقيع : صبري طه
يوم رحيلك من البلاد منتدياتك مرصّعة بالسواد
{رحمة الله عليك غاليتنا بت البطانة}


للتواصل مع الدعم الفني عبر الإسكايب اضغط هنا


<<< للاستضافة والدعم الفني اضغط هنا >>>

صبري طه تصفّح البوستات الإدارية بالضغط هنا

لوضع الروابط بشكل أفضل اكتب عبارة اضغط هنا وظللها ثم اضغط على هذه الأيقونة ثم ألصق الرابط في المستطيل واضغط موافق ولمتابعة الشرح بالصور اضغط هنا


اضغط هنا للإبلاغ عن مواضيع بها روابط لا تعمل
قديم 24-05-2009, 05:19 PM   #3
افتراضي رد: بشرى البطانه فى عيد ميلاد حنكوشه

[quote=محمد الطيب عمر;165059]هذه ايضا من ابداعات الزميل بشرى ابراهيم
عندما دعته زميلته الى عيد ميلادها


وانا من زمنا خدو مشلخ

وهى من ازمانا خدها ساده

اتعجبت سماحا مواتر

طبقات عالية وكلها ساده

وكانت بينا فوارق شاسعة

اتعارفنا

وكانت جاده

وقالت عيد ميلادى الشهر الجاى

ولازم تحضروا

قتلها خير

قتلها خيييييييييييييييييييييييييييير

ودخل فى اضافرى

تقصدى ايه بى عيد ميلاد؟

ايا ربى اتولدت يا دابا؟

يبقى الاعياد سوها زيادة؟

امكن ولدت وانا ما عارف؟

يمكن ميلاد عيسى واجدادها

يا ربى بدقوا الدلوكة؟؟؟؟؟؟؟؟؟

وبعزموا الحلال كالعاده

بس قتلها خير وانا جاييكم

وعديلة وزين

والشهر الجاى

مرق مركوبى من السحارة

داقاهو المطرة قبل شهرين

ونكت طاقيتى من العضاضة

سليتلى ثماد رقعتها زين

سديريتى ابوى مسويها لبد

فرتقت اللبده مرقتها طين

عراقى مغزوز فى الكوكار

كان سوهو وقاية وكت فازعين

سروال مدفون فى رحل العيش

ملفوف محشور بين شوالين

لميتن واديتن شطفة

شريتن فووووق فى زريبت الزين

والزين بقراتو مكوفرات تب

مدغن طاقيتى هرنها زييييييييييييييييييييييييييييين

شافتن السرة بت الهراف

طردتن وجابتلي النتاف

وغضبت غضب

وعزمت اقوم

جفن ما جفن

اقوم فى الحين

مرقت ووشى مطوطو تب

وصتنى الحلة رجال وعوين

وصتنى ام نوفل لى كركار

كان تلقى ودك جيب لى رطلين

وقروشى حلف صرة وبى خيت

وصتنى حليمة بت العجبين

سروال لى محمد ورطلين بن

بنبيعلنا شاة ونديك بعدين

وصانى الهابر لى مركوب

مخلوفة وسرج وكرباجين

عنقريب وموسر بى حبال قد

تيبار ومسلة وابريق طين

والناس بتوصى وغبيانة

والناس غبيانة وبتوصى

وانا ظرفى مكدر زى الطين

وبتوصى وزى بايعلى بعير

وانا بايع تيسى وعيش كيلتين

والتيس اعور ما جابلو سعر

والعيش بتاب ومسوس وشييييييييييييييييين

تتسود ختوة هالسفرة

انا ماشى لواجب اقوم بالدين؟؟؟؟

وركبت الباص مخلاتي دفس
كدوسي وحقتي وعود سكين
وانا راكب في الباص بتأمل
ياربي بجيبو الحكامات
بتسو دلوكة بيجوا الحلال
ضابحين تيران ام خرفان صر
مدققين كمين شوالات عيش
وانا مالي ومال عيد ميلادن
ان نقروا الدلوكة اولادن
انا بنزل حربي ومتعقط
وادارق اصقر في الدارات
وانا معروووووووووف خراب حفلا ت
وامسك صوتي المدهون قطران واركز واندق
شان السمحات ما يقولن ضيفنا قريزن ساكت
ووصل وسعل لامن جيتن
وهداك البيت يرقش لوحات
وصل ولقيت البيت مزرود لا حلقو بنات سمحات

شايلات هديات
وحدات وردات
وحدات زهرات
شايلات رسمات في شكل ارنوب
واسودونمور سبحان الله زي الميتات
يضاحكو قر حايشين صينية تبق شمعات
ماف زول قالي انت منو مابعرفو الضيف زي الخواجات
لتيت عكازي وقفت طرف
ملص نعلاتي اتفرجختا
لي تفه خلالي مضنقلو تب سكيني ملسنه بالجمبات
تبماكي وحُقتي مزرودا ولعتا كدوسي واخد جبدات
وان بتأمل هذا العالم ياتو البنوت وياتو الجنيات
وبحرت عيني لامن برقن
كل البنوت زيها سمحات
والبقر اشابه لي ضمة
ما عرفت الراحن والفايتات
لي حسن الحظ هي النقرتني
ما شالت شك من شافتني
ساقتني وقامت بالواجب هي اصيلة وراسية وست حوبات
نادت صاحباتا بنتعارف
نانسي وناندى وشيماء ولمياء ْ وحوراء وكفا
من وين! من لندن جينا امس راجعين باكر زي ها الحظات
من الطايف والمنشية ومدينة النيل وبلود راقيات
طيبات طيبة وكل كليمة معاها ضحيكة
ونضااف ورهااف زي اللعبات
واحدتاٌ فيهن سمحة سماح لكن مي طاعمة
وانا زول مستغرب في حاجات
انا زول اسراني سماحتاً قاسية

بنت البلد الهاديه وراسية وضميرا الحي التب مامات
وقالت لي
عرف نفسك بي عبارات
عرف نفسك بي عبارات
قتليها : انا الاسد الحرس غابتو الضريا
وانا الساعة الكتال بختف حديا
وانا الزايرني مابجيب لي هديا
وساكن مسرح ام هبج السخية
مراتع اللبل الضان والسعيه

ادرج عاطفة الرقدن ستية
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : ابوالبنا



ابوالبنا غير متصل  
رفاعة اونلاين في قلوبنا
قديم 25-05-2009, 06:38 PM   #4
افتراضي رد: بشرى البطانه فى عيد ميلاد حنكوشه

فهمت قصدك يا ابو البناء لكن ؟
مفترض تراعى القصيده طويله ودى اخطاء مطبعيه
وفى زمن العولمه انكسر اليراع واصبحت الكتابه بواسطة الكى بورد
والاخ بشرى كان معاى فى تمبول امس اكلنا كبدة ابل نيه وشربنا القهوه مع بت الباشاء فى حضرة كشبوب

لك ودى

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : محمد الطيب عمر



محمد الطيب عمر غير متصل  
رفاعة اونلاين في قلوبنا
قديم 25-05-2009, 07:03 PM   #5
حسن دفع الله

قدسية القضيـــه
الصورة الرمزية حسن دفع الله
افتراضي رد: بشرى البطانه فى عيد ميلاد حنكوشه

الأخ محمدالطيب عمر
السلام عليكم ورحمة الله وبركاته ..
لك آلآف التحايا والسلام ..ومثله لكل عرب قدام وعبرك تحياتى للأخ الشاعر الشاب بشرى البطانه ود حلفا وريره والصفيه و(ودبُقُل)
رجل موهوب ومتمكن فى شعر المربعات والمسدار والحلمنتيش كذلك إلتقت به فى جامعة النيلين قبل سنتين تقريباً وأستمتعت للحق بكلماته الجميله والمقتبسه من أصل ثقافة بطانة العز وتراثها العظيم ..فالشاعر بشرى من مدرسة شعراء البطانه الشباب الذين توارثوا المسدار من عمالقه الدوبيت فى السودان أمثال أحمد ودعوض الكريم ،وودضحويه،وودشورانى ،والحاردلو،وودالبنا.. وغيرهم من فطاحلة شعر البطانه..ويمثل بشرى وبيتاى.وزملائهم .. المدرسه الآخيره فى شعر الدوبيت
..وهذه القصيده أخى محمد الطيب من أروع قصائد الاخ بشرى وتدخل فيها الفكاهه بصوره جميله وحين يلقيها الاخ بشرى بصوته يضيف عليها نوعاً خاصاً وتجد كل الحضور منفجراً من الضحك ..
كذلك بحوزتى قصيده جميله جداً من قصائد الأخ بشرى وهى قصيده(التايه بت عوض الكريم) فهذه القصيده لدى معها وقع خاص ..وسأنشرها هنا كذلك أخى محمدالطيب ..كما أناشد الاخت سهى طرابلس مشرفة المكتبات أن تضيف مكتبه جديده بإسم الأخ الشاعر بشرى وسنوثق لتجربته الشعريه الجميله بصوره أجمل
ولك خالص ودى "

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : حسن دفع الله



حسن دفع الله غير متصل  
رفاعة اونلاين في قلوبنا
قد يُنعمُ اللهُ بالبلوى وإن عَظُمت ويبتلي الله بعض الناسِ بالنِّعَمِ
قديم 28-05-2009, 02:55 PM   #6
افتراضي رد: بشرى البطانه فى عيد ميلاد حنكوشه

شكرا اخى حسن دفع الله
واله تكون عملت واجب كبير جدا
لقد ناقشت الاخ بشرى ابراهيم فى هذا الموضوع
ودعوته للتسجيل فى الايام القادمه ستجده بيننا انشاء الله
ولك ودى
كما تقبل سلام الاخ بله الحسن لقد تجاذبنا الحديث حولك وزكرناك بخير

صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : محمد الطيب عمر



محمد الطيب عمر غير متصل  
رفاعة اونلاين في قلوبنا
قديم 12-01-2010, 10:33 AM   #9
افتراضي رد: بشرى البطانه فى عيد ميلاد حنكوشه

التحية لكل شعراء البطانة وخاصة الشباب والجيل القادم والتحية للشاعر بشري إبراهيم في هذا الطرح الجميل لادب البطانة من داخل التراث الخاص بها فله التحية واتمنى من الاخ الكاتب ان يراعي الإملاء وتوضيح بعض المعاني للذين لا يعرفونها لان المنتدي جامع فيجت ان تراعي مثل هذه الامور حتى نوصل ثقافتنا الى الاخرين لكم الشكر جميعا .
صور لنجوم وكواكب رفاعية - اضغط هنا


رفاعةon

لا يمكنك الرد على هذا الموضوع ولايمكنك إضافة موضوع جديد في الأرشيف اضغط هنا وانتقل إلى القسم المفتوح للردود والمواضيع
أنا : عزالدين الصادق



عزالدين الصادق غير متصل  
رفاعة اونلاين في قلوبنا
مع الجدول مع المنجل مع النغم الحنين صداح بفتش وين زماني الراح
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



Powered by vBulletin® Version
Copyright ©2000 - 2014, Jelsoft Enterprises Ltd
::×:: جميع الحقوق محفوظة لمنتديات رفاعة أونلاين ::×::
الشهادة السودانية 2011
تصميم: صبري طه