اختر لون المنبر الافتراضي أزرق برتقالي أسود وأبيض أخضر وردي

غير مسجل هل أعجبك المنبر ؟

العودة   منتديات رفاعة اونلاين > منتديات رفاعة أونلاين > رفاعة > الأرشيف > ©§¤°^°¤§©¤ المنتديات المتخصصة والمتنوعة ¤©§¤°^°¤§© > قسم المكتبات > مكتبة الشاعر محمد طه القدال

شيخ تلب ---محمد طه القدال - مكتبة الشاعر محمد طه القدال
إضافة رد
 
أدوات الموضوع انواع عرض الموضوع
27-08-2007, 10:57 PM شيخ تلب ---محمد طه القدال
صبرى مبارك الهبيكة

كاتب الموضوع
الصورة الرمزية صبرى مبارك الهبيكة

حزينة وجوفك دمدم حزين
حزنت وقلب الحازنك خلى
تعدى الحلم الشفتيهو قديم
وتملا حسارك قلبك ملى
وكل ما هبهب قاصدك نسيم
يلهب جلدك كضباً طلى
فطمت جناك وحضنك رحيم
وحنـّك تب ما صابو البلى
سمعت غناك وصوتك رخيم
شديد اوتارك زايد حلى
عرفت الغم الصارلك نديم
وشفت الكون بى شوفاً جلى
لقيت الكاتلك كافر زنيم
وانت وحيدك قلبك ولى
يا شيخ تلـّب انزل كبكب
وارمى الحترب فى الميضنة
فى الباردة تعب لى الحارة تسب
عجمان وعرب فى المضنة
البس خضرب وادخل قصرب
والحس واشرب فى الميضنة
دى الدنيا تهب شقيش ما تصب
القبلى حرب ..
لى سيدك حب لا تخش ضرب
لى يوسف جب فى الميضنة
دقنا وشنب درويشنا يسوق
تايوتا تكب فى الميضنة
يا شيخ تلب وين الزغلب
الكانو تلب
ديل صبحو غرب
ام اضحو جنب
فى الميضنة
انزل كبكب وارمى الحترب
فى الميضنة
كبس االهم على
والحال قبض يا سيد
غبنا فيا كج
وتادو جنبى معيد
مو جنا تجيب
سلسل جنازرو تقيد
بلا غيبوبة البلد
النصيحو مصيد
كنا تلاتة ...
ود النوق وديك وعتيد
قلنا نكمل الفرض
العلينا نشيـد
جينا عليكى يا المحبوبة
شوقنا يأيـد
بقينا ضهابة متل زولاً
ضرير وبليد
ود النوق مركوبو
العليهو يشفق
بقى يتباطأ
فى خبة مشيهو يلفق
ان جاهو العلوق
صيحة نفاقو تنفق
اصبح جدوا وكل
ما شافلو سلقة يصفق
- وديك الجن
رفيق همى وغنايا وفنى
سوا طريقو فى نخبة
وصبح متهنى
ما هماهو باسط مية
سكرة ينى
كل ما شافلو زفة
جديدة فوقة يغنى
- يا عتيد الرماد
نط الحيط بالزانة
تفضى الخانة
تلقى جنابو سيد الخانة
فارش دارو لى اسيادو
بيت كرخانة
غافل ضبحة الفجرى
وجرى السلخانة
يا حميد اقيف
شوف الخلوق محنانة
كفكف دمعتك
والعبرة فوت خنقانة
عسلك سال بحر
فوقو النحل ونانة
ياد ان طاق غرق
جازاك دباير دانة
*************************
ودالهبيكة



غير مسجل يمكنك التعليق على هذا الموضوع باستخدام حسابك على الفيسبوك
صبرى مبارك الهبيكة غير متصل
ملفك الشخصي رد مع اقتباس

28-08-2007, 09:23 AM 2 افتراضي
صبري طه

الصورة الرمزية صبري طه
تلقيت إعجاب (71)اضغط على الرقم لمُشاهدة الإعجابات المتلقاة
أرسلت إعجاب (475)اضغط على الرقم لمُشاهدة الإعجابات المُرسلة
توقيعي: اضغط هنا
يوتيـوب: اضغط هنا
صبري طه is on a distinguished road

مواضيع صبري طه

للتحدث مع الإدارة rufaaonline.com


يديك العافية أخي صبري ...

وتشكر على الشعر الأصيل من ود البلد الأصيل ...
صبري طه غير متصل
ملفك الشخصي رد مع اقتباس

28-08-2007, 04:08 PM 3 افتراضي
صبرى مبارك الهبيكة

كاتب الموضوع
الصورة الرمزية صبرى مبارك الهبيكة
تسلم اخى ودطه والتحية لودالقدال
صبرى مبارك الهبيكة غير متصل
ملفك الشخصي رد مع اقتباس

02-06-2011, 03:38 PM 5 افتراضي رد: شيخ تلب ---محمد طه القدال
قصى

الصورة الرمزية قصى
تلقيت إعجاب (1)اضغط على الرقم لمُشاهدة الإعجابات المتلقاة
أرسلت إعجاب (0)اضغط على الرقم لمُشاهدة الإعجابات المُرسلة
قصى is on a distinguished road

مواضيع قصى

للتحدث مع الإدارة rufaaonline.com


لى شيخ تلب (برز الثعلب يوما فى ثياب الواعظينا)
قصى غير متصل
ملفك الشخصي رد مع اقتباس

إضافة رد

مواقع النشر (المفضلة)

أدوات الموضوع
انواع عرض الموضوع


الساعة الآن 07:13 AM

المقالات والمساهمات والآراء المنشورة في منتديات رفاعة اونلاين سواء كانت بأسماء حقيقية أو بأسماء مستعارة
أو حركية لا تمثل بالضرورة الرأي الرسمي لصاحب الموقع أو منتديات رفاعة اونلاين بل تمثل وجهة نظر كاتبها.

::×:: جميع الحقوق محفوظة لمنتديات رفاعة أونلاين ::×::
رفاعة هنا