اختر لون المنبر الافتراضي أزرق برتقالي أسود وأبيض أخضر وردي

غير مسجل هل أعجبك المنبر ؟

العودة   منتديات رفاعة اونلاين > منتديات رفاعة أونلاين > رفاعة > الأرشيف > ©§¤°^°¤§©¤ المنتديات المتخصصة والمتنوعة ¤©§¤°^°¤§© > قسم المكتبات > مكتبة الشاعر محمد الحسن سالم حميد

محمد الحسن حميد.....مطر الشوارع - مكتبة الشاعر محمد الحسن سالم حميد
إضافة رد
 
أدوات الموضوع انواع عرض الموضوع
11-11-2007, 08:28 PM محمد الحسن حميد.....مطر الشوارع
سهى السودان

كاتب الموضوع
الصورة الرمزية سهى السودان
تلقيت إعجاب (3)اضغط على الرقم لمُشاهدة الإعجابات المتلقاة
أرسلت إعجاب (0)اضغط على الرقم لمُشاهدة الإعجابات المُرسلة
سهى السودان is on a distinguished road

مواضيع سهى السودان

للتحدث مع الإدارة rufaaonline.com




مطر الشوارع

هبَت نسَام جيتك .. ضوَا لحظاتو البكان
زين اركانو الزمان
فرهد الشوق المضارع
البلد بقت الشوارع
دافرة من كل المواقع
زى مطور هتكت سماها وسيَلت ملت المزارع
لهفة الزول الَجا راجع
من نخيجو تقول مودع
الفرح فى أعين الصابرين دموعو
الهتافات التندد بى عوارضو والتأكد لى رجوعو
والتبدد خوفو .. جوعو
والتجدد بخَة الدم فى عروقو .. وبين ضلوعو
تطرد الهم من جموعو .. من خطابن
لافتات اعلام بشابن
موكب العرسان شموعو .. الأصابع البى ترابن
الأكف الدم خضابن
لا فتات اعلام تهبهب زي صفق
الاناشيد .. يشتهنك فى سبق
المنديل التلوَح والطَرح
البنفسج والبراسيم التراقص فى مرح
العصافير الملونة فى مرايات الفضا المتكابى تالاك قوس قزح
استحمَت غيمة فى بحر الأفق
كان دعاش الغيمة بوقة وكانت الرغوة الشفق
جفَف اطرافو النسيم .. جر بشكيرو الغسق
خت فى كف المساحنة الزمن القديم
قالت الريح العجوز
ما استحت .. قالت يجوز
كالصبا ارجع صبية واسرى بى عطر العروس
ابرى فستانا البياضا .. نية الطيب حنين
بى ندم صادق امين عقبت قالت واتوب
ما أغش الأكسجين بالأعاصير العبوس
إلا شان للظلم ادوس
آه يا عشمى الحزين .. لو ترجَعنى السنين
باركنها نسمتين .. باختن بالا الرزين
آجرنَها فى اللى راح .. وطيبن نزف الجراح
وعمَدنها ريح صلاح .. من طرف شق الصباح
قاطعنها نجمتين .. يمه عقبالنا .. ومتين
من زفاف الغيمة وين .. ونحن نتشرق مرتين
انتشى العشب الصغير .. وتاوق القمرة التغيَر بين ضفاير تمرتين
وخفَ يتصنت مزارع ...
دخله المطر الموله أو زفافو على الشوارع
وحَم لقمح اليراهق فى المتر .. جبَد شتولو .. نوَر القش فى المراتع
نوَرت كل الخمائل .. السحر فوق راسو جايل
زى رسائل بينو بين الجاى راجع .. لى حصاد العمر شايل
ضوَا فى كل النفوس .. حُب تحت كل لشرائع
والشعائر والطقوس
جمَة العشق المضاجع .. حتى أصوات الضفادع
سنَ حنجرة المغني فى قلب زولو الحجر .. العنيد الما مطاوع
ضحَى من أجلو وصبر زمانات التدنى والمناحات التجنى
سنَ حنجرتو المغني .. وغنى غاية ما انفجر
شاحب الليل الألق .. الفجُر فرهد بهر
جديد الفرحة يا دابو انعتق فك قيد جرحو ونتق
لى جواد شوقو انطلق .. قولب الضَُل والصقايع
الوجود قدامو رائع .. خالى من صُرمة وفجائع
العصافير التطالع فى كتاب الصبح طالع
الندى فى سرابو ناقع .. الزهر يا دابو فاقع
انطلق للحلة شافع .. شال بشارة يوم جميل
الفراشات للأصيل .. والبنفسج للشفق
املو عينيكم غميد .. يا مجاريح لا أرق
ضمَو لى ليلكم شديد ضمَو بى عد ما وسق
لا تجمَوها السيوف .. لا ترمَوها الدرق
المطيرة الفى وشيكم .. هبَ نسَاما وبرق
ماها بى الساهل تجيكم إلا بالدم .. بالعرق
يا مطر يا نار حبابك ..
خدَر القصب المعوبس بلَل التعب التشابَك
روحنا شبَت بالقضية وتاوقت برقَك سحابَك
أيوة يا مطر الغلابة المن زمن صابر ترابك
والقلوب عشرق سرابك ..


غير مسجل يمكنك التعليق على هذا الموضوع باستخدام حسابك على الفيسبوك
سهى السودان غير متصل
ملفك الشخصي رد مع اقتباس

17-02-2010, 09:56 PM 2 افتراضي رد: محمد الحسن حميد.....مطر الشوارع
صلاح عبد الوهاب

الصورة الرمزية صلاح عبد الوهاب
تلقيت إعجاب (0)اضغط على الرقم لمُشاهدة الإعجابات المتلقاة
أرسلت إعجاب (0)اضغط على الرقم لمُشاهدة الإعجابات المُرسلة
صلاح عبد الوهاب is on a distinguished road

مواضيع صلاح عبد الوهاب

للتحدث مع الإدارة rufaaonline.com


الشكر سهي طرابلس
بالصدفه عندي بعض قصائد المبدع حميد مكتوبة بخط يده منها قصيدة/ مطر الشوارع ولي بعد سماحتكم بعض الملاحظات ربما صح ربما خطاء ولكن الجميع يقدم الخير
* زى مطور هتكت سماها وسيَلت ملت المزارع
* زي مطور هتكت سماها وبدعت ملت المزارع
*الهتافات التندد بى عوارضو والتأكد لى رجوعو
*البشاشات التندد ............
*والتجدد بخَة الدم فى عروقو .. وبين ضلوعو
تطرد الهم من جموعو .. من خطابن
*والتجدد ضخة ............
تنفض الهم من جموعو .......
* المنديل التلوَح والطَرح
* المناديل التلوَح.........
* *كان دعاش الغيمة بوقة وكانت الرغوة الشفق
جفَف اطرافو النسيم .. جر بشكيرو الغسق
*
كان دعاش الغيمة بوخة ...............
جفَف اطرافو النسيم .. فرُ .......
*من زفاف الغيمة وين .. ونحن نتشرق مرتين
* يوم زفاف الغيمة وين .. ونحنا نتشرق مرتين
**-نوَرت كل الخمائل .. السحر فوق راسو جايل
زى رسائل بينو بين الجاى راجع .. لى حصاد العمر شايل
- ابات ناقصة
**-نوَرت كل الخمائل .. السحر فوق راسو جايل
زي تخاليل الاصابيع بين سبيب محبوبة طالع و مرة نازل
زى رسائل بينو بين الجاى راجع .. لى حصاد العمر شايل
**-**جمَة العشق المضاجع .. حتى أصوات الضفادع
*** جمَل العشق المضاجع .. حتى أصوات الضفادع
*ضحَى من أجلو وصبر زمانات التدنى والمناحات التجنى
سنَ حنجرتو المغني .. وغنى غاية ما انفجر
*ضحَى من أجلو وصبر ضد زمانات التدنى ....
**الفجُر فرهد بهر
جديد الفرحة يا دابو
*الفجُر بهر
جديد الفرحة ...
***والقلوب عشرق سرابك ..
**والقلوب عشرق سرابك ..
يا مطر يا جاي دابك 0

عفوا لامصحح بل للفايدة العامة
صلاح عبد الوهاب غير متصل
ملفك الشخصي رد مع اقتباس

17-06-2010, 01:37 AM 3 افتراضي رد: محمد الحسن حميد.....مطر الشوارع
راشد بلال علي

الصورة الرمزية راشد بلال علي
تلقيت إعجاب (92)اضغط على الرقم لمُشاهدة الإعجابات المتلقاة
أرسلت إعجاب (54)اضغط على الرقم لمُشاهدة الإعجابات المُرسلة
راشد بلال علي is on a distinguished road

مواضيع راشد بلال علي

للتحدث مع الإدارة rufaaonline.com


تسلم أناملكم يارائعين..

أتحفونا متعكم الله بالصحة والعافية..
راشد بلال علي غير متصل
ملفك الشخصي رد مع اقتباس

26-01-2011, 02:23 PM 5 افتراضي رد: محمد الحسن حميد.....مطر الشوارع
hassan ibrahim

الصورة الرمزية hassan ibrahim
تلقيت إعجاب (0)اضغط على الرقم لمُشاهدة الإعجابات المتلقاة
أرسلت إعجاب (0)اضغط على الرقم لمُشاهدة الإعجابات المُرسلة
hassan ibrahim is on a distinguished road

مواضيع hassan ibrahim

للتحدث مع الإدارة rufaaonline.com


تسلموا لينا ...... في انتظار المزيد
hassan ibrahim غير متصل
ملفك الشخصي رد مع اقتباس

26-01-2011, 03:19 PM 6 افتراضي رد: محمد الحسن حميد.....مطر الشوارع
شوشو2

الصورة الرمزية شوشو2
تلقيت إعجاب (0)اضغط على الرقم لمُشاهدة الإعجابات المتلقاة
أرسلت إعجاب (0)اضغط على الرقم لمُشاهدة الإعجابات المُرسلة
شوشو2 is on a distinguished road

مواضيع شوشو2

للتحدث مع الإدارة rufaaonline.com


طرح جميل ياريت لو تعملو لينا توثيق كامل لاعمال حميد فهى قمه فى الروعه
شوشو2 غير متصل
ملفك الشخصي رد مع اقتباس

إضافة رد

مواقع النشر (المفضلة)

أدوات الموضوع
انواع عرض الموضوع


الساعة الآن 10:37 PM

المقالات والمساهمات والآراء المنشورة في منتديات رفاعة اونلاين سواء كانت بأسماء حقيقية أو بأسماء مستعارة
أو حركية لا تمثل بالضرورة الرأي الرسمي لصاحب الموقع أو منتديات رفاعة اونلاين بل تمثل وجهة نظر كاتبها.

::×:: جميع الحقوق محفوظة لمنتديات رفاعة أونلاين ::×::
رفاعة هنا